LONDRES, GRAN BRETANIA (AFP).- Polis di Londres a bisa ayera di a risibí vários akusashon di agreshon seksual kontra dje aktor britániko Russell Brand despues di un investigashon di prensa ku a keda publiká medio sèptèmber.
Ta trata di susesonan “no resien” i pa e momento aki no tin aresto, segun polis ku a agregá ku investigashon lo sigui.
Den un investigashon konhunto di The Times, Sunday Times i Channel 40, kuater hende muhé a akusá e aktor di 48 aña di violashon, agreshon seksual i abusu emoshonal.
Segun e relato dje muhénan, e agreshonnan a tuma lugá entre 2006 i 2013, tempu ku Brand, èks-kantante di Katy Perry tabata kubrí ku fama trahando komo presentadó di e kadenanan di BBC Radio 2 i Channel 4 i tabata aktua den pelíkulanan di Hollywood.
Den un video publiká promé ku e informashonnan aki a sali, Brand a nenga e akusashonnan i a sigurá ku ounke tabata un periodo di su bida “hopi for di òrdu”, su relashonnan semper tabata ku konsentimentu di ámbos parti.
