CARACAS, VENEZUELA, AFP.- E gobièrnu venezolano a anunsiá djaweps ku a firma un kontrakt pa kumpra 12 mion vakuna kontra Corona vírus di Cuba kual ta 92% efektivo pero ainda wardando riba aprobashon di outoridat.
E vakuna Adbala a kompletá su tres fasenan di ensayo klíniko pero ainda mester haña lus bèrdè di outoridat di Organisashon Mundial di Salubridat kubano.
“Nos ta gradesido ku por inkorporá e vakuna aki den Venezuela su programa di inmunisashon i nos a firma un kontrakt pa haña 12 mion vakuna di Abdala den e próksimo lunanan”, segun indikashon di e visepresidente di Venezuela Delcy Rodriguez.
Rodriguez tabata presente na Aeropuerto Internashonal di Maiquetia serka di Caracas, pa risibí e promé entrega di vakuna huntu ku embahador di Cuba na Caracas, Dagoberto Rodriguez. E visepresidente no a spesifiká kuantu vakuna a risibí.
E kompania kubano BioCubaFarma a anunsiá djaluna ku e vakuna ku yama Abdala ta 92% efektivo kontra Corona vírus. Si aprobá Abdala, e lo bira e promé vakuna kontra Corona vírus produsí den Latinoamérika.
Cuba a desaroyá un vakuna mas ku yama Soberana 2 i ta 62% efektivo despues di dos inyekshon.
