UKRANIA, RUSIA, AFP.- Presidente ukraniano Volodymyr Zelenskyy a bisa djárason ku el a urgi Noruega, e di dos proveedó di gas di mas grandi den Europa despues di Rusia, pa proveé mas energia na e pais i Union Europeo.
El a hasi e petishon den un video, i a pidi tambe pa prohibí barkunan ruso den hafnan di Europa.
Promé ku e konflikto na Ukrania, Noruega tabata proveé entre 20 i 25% di gas de Union Europeo i Bretaña, miéntras ku 45 pa 50% tabata bini di Rusia.
Union Europeo ta purbando di redusí su dependensia di gas ruso.
Oslo a tuma medidanan pa sigui produsí su kapasidat máksimo di gas den zomer, kual ta e luna ku mayoria kompania di gas ta probechá drecha i mantené plataformanan mirando ku demanda ta abou.
Promé minister Jonas Gahr Store a reiterá ku e pais ta hasiendo su máksimo esfuerso den un entrevista na e kanal Noruego TV2 djárason.
