KABUL, AFGANISTAN, AP.- Kombatientenan taliban a mata 20 sòldat despues di ataká puestonan di seguridat na sùit di Afganistan serka di frontera ku Pakistan, segun indikashon di funshonarionan djamars.
Ocho efektivo di seguridat tambe a resultá heridá durante e atake di djaluna anochi den distrito di Shorabak, segun Mohammad Yusof Yunosi.
Un funshonario di gobièrnu provinsial kual no tabata outorisá pa papia ku medionan a konfirmá e atake i bisa ku miembronan di forsa afgano a muri, pero e no a duna sifra eksakto.
Qari Yusuf Ahmadi, bosero di e talibannan, a ‘claim’ responsabilidat pa e atake.
Forsa merikano na Afganistan a korigí e kantidat di morto ku un atake taliban a laga serka di e base merikano prinsipal den e pais, aklarando ku tres sòldat merikano a muri i no un kontratista, manera a wòrdu informá anteriormente.
E bosero di gobièrnu, Zabihula Amani a bisa ku taliban no a emití un reakshon mesora. Amani a bisa ku kuater insurgente tambe a muri durante e konfrontashonnan.
