WASHINGTON, MERKA, AFP.- Un tiroteo a laga por lo ménos seis morto i 24 herido djaluna durante un desfile di Dia di Independensia di Merka den un siudat na nort di Chicago, segun informashon di outoridatnan.
E sospechoso, deskribí pa polis komo un hòmber koló kla di entre 18 pa 20 aña, a skapa i ta konsiderá komo “arma i peligroso”.
E selebrashonnan di 4 di yüli a wòrdu suspendé na Highland Park, kaminda e atake a sosodé. Otro aktividatnan den área di e atake tambe a wòrdu suspendé.
E tirunan a kousa pániko den kayanan di e pueblo serka di lago di Michigan, kaminda sentenáres di persona a konsentrá den oranan di mainta pa selebrashon di 4 di yüli.