WASHINGTON, AP.- Presidente Donald Trump a bisa djamars ku e no tin intenshon di bolbe separá famianan na frontera ku México. Pero el a bisa ku desde eliminashon di e medida un kantidat muchu mas grandi di migrantenan ta dirigí pa Merka atraves di México.
“Ami a stòp e medida aki”, asina Trump a bisa i a agregá ku su predesesor Barack Obama ta esun ku tabata separá e muchanan di nan famia.
Trump a pone fin na e medida luna pasá despues ku a publiká un kantidat di esena di muchanan migrante será den kouchi den instalashonnan na frontera. E aliadonan di Trump ta poniendo preshon di mas intransigensia relashoná ku inmigrashon despues ku a “limpia” Departamento di Seguridat Nashonal.